Savdo, maishiy xizmat ko‘rsatish va ofis binosi

Loyiha haqida

Shahar muhitiga uyg‘unlashuvchi zamonaviy savdo, xizmat ko‘rsatish va ofis binosi. Loyiha funksional ichki makonlar, ifodali fasad va qulay tashqi hududni yagona me’moriy konsepsiyada birlashtiradi.

Loyiha Toshkent shahrining Yunusobod tumanida joylashgan zamonaviy savdo, maishiy xizmat ko‘rsatish va ofis binosini o‘z ichiga oladi. Bino tarkibida turli funksiyalarga mos ofis maydonlari, server xonasi, texnik va yordamchi xonalar hamda sanitariya zonalari ko‘zda tutilgan. Hajmiy-rejalashtirish yechimi binodan samarali foydalanish va turli funksiyalarni qulay tashkil etishga yo‘naltirilgan. Bosh reja tarkibida avtoturargoh, yordamchi va texnik obyektlar, shuningdek, ko‘kalamzorlashtirilgan hududlar shakllantirilgan. Umumiy maydonning 25,23 foizi yashil hududga ajratilgan. Binoning me’moriy qiyofasida katta oynavand yuzalar, metall va kompozit panellar uyg‘unligi asosiy o‘rin egallaydi. Fasadning zamonaviy geometriyasi va tungi yoritish tizimi binoga shaharning faol muhitiga mos, o‘ziga xos vizual qiyofa beradi.